Annað gullkorn

Þar sem ég blogga undir nafninu "strákamamman" hlýtur það að vera í lagi þó ég monti mig af einmitt strákunum mínum.

í gær vorum við að fara með kvöldbænirnar okkar, þegar Tómas spyr mig "Mamma, hver er Jesú?". Hmmm, þegar stórt er spurt.... Ég hugsa mig um, og svara svo að Jesú er bróðir okkar allra, hann er bróðir þinn og minn og allra í heiminum. Jaaahá svarar sá stutti, og fer svo og kíkir á Davíð þar sem hann lá sofandi í vagninum sínum. Tómas stóð lengi vel og virti bróður sinn fyrir sér og svaraði svo hálfhlægjandi "neeeeeeeeehei mamma, þetta er ekki Jesú, bara Davíð".

Mér fannst þetta alveg dásamlegt hjá honum !!

Athugasemdir

[Erna Lilliendahl, 8.1.2008 kl. 07:21]

Þetta eru gullmolar sem þú átt þarna :)

[Erla Ósk Arnardóttir Lilliendahl, 8.1.2008 kl. 12:09]

Sammála síðasta ræðumanni